Иқтисодиёт ва молия вазирлиги ҳокимликлар учун янги автомобиллар «Меҳр дафтари» жамғармасидан харид қилинмаганини тасдиқлади. Жамғарма номининг давлат харидлари лотларида кўрсатилиши СТИРни нотўғри киритиш билан боғлиқ бўлиб чиқди.
Самарқанд вилояти прокуратураси 445 млн сўмга 22 дона iPhone 14 Pro Max смартфонларини харид қилди. Республика маънавият тарғибот маркази Тошкент вилояти бўлими 51 млн сўмга иккита iPhone 15 Pro Max сотиб олди. Бошқа давлат идоралари ҳам смартфонлар харид қилмоқда.
Коррупцияга қарши курашиш агентлиги жами қиймати 14 млрд сўмдан ортиқ бўлган 9 та давлат хариди бўйича баённомаларни бекор қилдирди. Хусусан, «Шўртан газ кимё мажмуаси» буюртмачилигидаги 9,4 млрд сўмлик давлат харидида аффилланган шахслар ғолибликни қўлга киритган.
Ўзбекистон ҳукумати хорижий товарларнинг (ҳозирда 520 дан ортиқ товарга тақиқ қўйилган) давлат харидларида иштирок этишига чекловларни кучайтиришни ва маҳаллий компанияларга, жумладан, электротехника ишлаб чиқарувчиларга кўпроқ имтиёзлар беришни режалаштирмоқда.
Президент фармони билан Очиқ маълумотлар сифатида жойлаштирилиши керак бўлган ижтимоий аҳамиятга молик маълумотлар рўйхати кенгайтирилди. 1 декабрдан «Ҳаж»га бориш учун навбатда турганлар, болаларни «боғча»га қабул қилиш бўйича аризалар навбати ва яна 3 турдаги маълумотлар ҳам очиқ эълон қилинади.
Ўзбекистон Соғлиқни сақлаш вазирлиги Samo компаниясидан тендерсиз 3,55 млн қути «Антиструмин» (калий йодид) препаратини қарийб 22 млрд сўмга сотиб олган. 2022 йилда дорининг бир қадоғи 5500 сўмдан харид қилинган бўлса, жорий йилда 6500 сўмдан сотиб олинган. Чакана савдода эса 3000 сўмдан сотилган.
Ёзёвон тумани йўллардан фойдаланиш унитар корхонаси буюртмачилигида ўтказилган 1 млрд 38 млн сўмлик давлат хариди жараёнда иштирок этган 2 та корхона таъсисчиси эр-хотин бўлгани сабабли бекор қилинди. Харид комиссияси аффилланганлик ҳолатига баҳо бермаган ва танловни бекор қилиш чорасини кўрмаган.
Транспорт университети ўтказган 1,2 млрд сўмлик давлат хариди унда қатнашаётган тадбиркорларнинг ҳужжатлари электрон платформага харид комиссияси фойдаланган компьютер IP-манзили орқали юклангани учун бекор қилинди.
Маданият вазирлиги 15,5 млрд сўмга харид қилган кўчма саҳнали юк машиналари тақдимоти ўтказилди. Трансформер 2,5 соатда ўрнатилади, 10 минг кишига мўлжалланган ва алоҳида генератори мавжуд. Озодбек Назарбековнинг айтишича, улар тоғли ҳудудларга бориб, аҳолига хизмат кўрсатади. «Газета.uz» репортажи.
Иқтисодий тараққиёт ва камбағалликни қисқартириш вазирлиги ҳузуридаги агентлик «Онлайн маҳалла» платформасини ишлаб чиқиш учун 8,4 млрд сўм (755 минг доллар) сарфлади. У ҳоким ёрдамчиларининг самарали фаолият юритиши ва бошқа мақсадларда фойдаланиш учун мўлжалланган.
Ўзбекистон Маданият вазирлиги 15,5 млрд сўмга иккита «мобиль саҳна» сотиб олди. Маълум қилинишича, ушбу харид президент қарори талабларини бажариш учун амалга оширилган. «Асосий мақсад — барчага бирдек маданий ҳордиқ чиқариш учун шарт-шароит яратиш», — дейилади вазирлик изоҳида.
Мудофаа вазирлиги Коррупцияга қарши кураш агентлигининг давлат харидлари тўғрисидаги қонун бузилиши ҳақидаги хабарини рад этди. Ҳуқуқбузарликлар Мудофаа вазирлиги бюджет маблағларига алоқаси бўлмаган «Харбий савдо» корхоналарининг 5 йиллик фаолияти давомида содир этилган, дейилади хабарда.
Соғлиқни сақлаш вазири «фаолиятида хато ва камчиликларга йўл қўйгани» учун «O‘zmedimpeks» ДУК раҳбари Диёрхон Каттаходжаев ҳамда вазирлик бошқармаси масъул ходимини ишдан бўшатди.
Ўзбекистон иқтисодиётини қўллаб-қувватлаш ва ташқи хатарларни юмшатиш чоралари, ЙПХ ходимини суратга олишга қаршилигини айтган Светлана Артикова, Рамазон ойининг бошланиши, Урганчда қуриладиган Ал-Хоразмий шаҳарчаси, валюта бозорида кескин тебранишларнинг олдини олиш учун захиралар етарли эканини таъкидлаган Шавкат Мирзиёев, тиббиёт ходимларининг ҳижоб кийиши бўйича тақиқ олиб ташлангани ва бошқалар — «Газета.uz» нинг 31 мартдаги энг муҳим хабарлари дайжестида.
Коррупцион схемаларнинг давлат, жамият ва тадбиркорликка етказадиган зарари мамлакат ривожланишига тўсиқ бўлади. ТДЮУ «Бизнес ҳуқуқи» кафедраси мудири Хусаин Раджапов давлат харидларида учраши мумкин бўлган коррупцион схемаларни таҳлил қилди ва ушбу қоидабузарликларга қарши кураш самарадорлигини ошириш бўйича таклифлар билдирди.
Коррупцияга қарши курашиш агентлиги январь ойида ўтказган ўрганишларида еттита давлат ташкилотида жами 33,69 млрд сўмлик давлат харидларида қонунга зид ҳаракатлар аниқланган. Ушбу ҳолатлар бўйича давлат харидларини бекор қилиш ҳақида буюртмачиларга тақдимномалар ва Бош прокуратурага сўровномалар киритилган.
Сўнгги бир ярим йил ичида давлат харидлари соҳасида қонунбузарликка йўл қўйган мансабдорларга нисбатан 21 та жиноий ва 24 та маъмурий иш қўзғатилди. Соҳалар кесимида қонунбузарликларнинг энг кўпи қурилиш ва соғлиқни сақлашга, ҳудудлар кесимида эса Тошкент шаҳри, Андижон, Жиззах ва Қашқадарё вилоятларига тўри келмоқда.
Ислом цивилизацияси марказининг қурилиши 2017 йил декабрда таҳминан 413,5 млрд сўмга баҳоланган эди. Бугунги кунга келиб қурилиш ишлари баҳоси 4 баравар — 1,7 трлн сўмгача ($161,8 млн) ошиб кетди. Лойиҳа «Трест-12» томонидан амалга оширилмоқда.
Президент қарори лойиҳасига кўра, тўғридан-тўғри шартнома бўйича амалга ошириладиган давлат харидлари рўйхати қисқартирилиши кутилмоқда. Шунингдек, 2022−2025 йилларда давлат харидлари соҳасини ривожлантириш Стратегияси ишлаб чиқилиши кўзда тутилган.
Бухорода бюджет ташкилоти қарийб 65 млрд сўм миқдоридаги харидларни тендерсиз амалга оширгани аниқланди. Монополияга қарши курашиш қўмитаси «Рақобат тўғрисида"ги қонунни бузганлик учун иш очди.
Қўшимча имкониятларга эга булиш учун сайтда рўйхатдан ўтинг